Portuqaliya parlamenti 1932-1933-cü illərdə baş vermiş hadisələri ("Qolodomor") Ukrayna xalqının soyqırımı kimi tanıyıb.
Milli.Az APA-ya istinadən xəbər verir ki, bu barədə Ukrayna prezidenti Pyotr Poroşenko özünün "Twitter" səhifəsində yazıb.
Poroşenko bununla əlaqədar rəsmi Lissabona minnətdarlığını bildirib.
Portuqaliya parlamentinin qəbul etdiyi qətnamə 1932-1933-cü illərdə Ukrayna SSR ərazisində kütləvi aclıq səbəbindən insanların ölümünü soyqırımı kimi tanıyır və bunu pisləyir. Sənəd ötən əsrin 30-cu illərində Ukraynada baş vermiş hadisələrə oxşar halları pisləməyə çağırır.
Qeyd edək ki, 1932-1933-cü illərdə Stalin rejiminin yürütdüyü siyasət nəticəsində 7 milyon ukraynalı aclıqdan ölüb.
Milli.Az
Digər maraqlı xəbərlər Milli.Az-ın Facebook səhifəsində