Mingəçevir şəhəri ərazisindəki məişət tullantıları sahəsindən silah-sursat tapılıb. Lent.az-ın Daxili İşlər Nazirliyinin saytına istinadən məlumatına görə, zibillikdən 1 ədəd "AKM" markalı avtomat silahı, 1 ədəd "TOZ-8" və 1 ədəd "İJ-16" markalı nömrələri silinmiş tüfənglər, 1 ədəd süngü bıçaq, 3 patron darağı və 270 ədəd müxtəlif çaplı patron tapılıb.
Habelə, Nəsimi RPİ 20-ci PB əməkdaşlarının keçirdikləri əməliyyat tədbirləri ilə Bakı şəhər sakini, əvvəllər məhkum olunmuş Zöhrab Allahverdiyevdən nömrəsi silinmiş "Naqan" markalı tapança və 8 ədəd patron götürülüb.
