ABŞ prezidenti Donald Tramp tvitter səhifəsində keçmiş prezident Barak Obamanın seçki prosesi ərəfəsində onun telefon danışıqlarını dinlədiyini yazıb.
Publika.az xəbər verir ki, prezident bu ittihamlarının ardından Barak Obamanı “xəstə adam” adlandırıb.
“Obama, müqəddəs seçki müddətində telefonları dinləyəcək səviyyəyə necə düşmüş ola bilərsən. Bu yeni bir Votergeyt skandalıdır. Pis-xəstə adam”, - deyə ABŞ-ın 45-ci prezidenti D.Tramp yazıb.
Trampın digər tvitter paylaşımı isə belədir: “Dəhşətdir, Obamanın seçkidə qalibiyyətim elan edilməmişdən əvvəl "Tramp Tover"də telefonlarımı dinlətdirdiyini öyrəndim”.
Digər bir paylaşınımda isə belə yazır: “Hakimiyyətdəki prezidentin seçkidən əvvəl namizədlərin telefon danışıqlarını dinləməsi qanunidirmi?...Yenə bir ucuzluq”.
Gülxar