Ramil Şeydayevin 90 dəqiqə meydanda olduğu görüşdə "Jilina" qələbə qazana bilməyib

Ramil Şeydayevin 90 dəqiqə meydanda olduğu görüşdə "Jilina" qələbə qazana bilməyib
20:42 5 Mart 2017
95 İdman
Ölkə mətbuatı
A- A+

Bakı. 5 mart. REPORT.AZ/ Azərbaycan millisinin futbolçusu Ramil Şeydayevin icarə əsasında çıxış etdiyi "Jilina" komandası bu gün Slovakiya çempionatında XXII turun oyununu keçirib.
"Report"un məlumatına görə, "sarı-yaşıllar" "Podbrezova"nın qonağı olub.
"Zelpo Arena"dakı qarşılaşma 2:2 hesablı heç-heçə ilə nəticələnib.
Şeydayev ilk dəfə "Jilina"nın start heyətində meydana çıxıb. Gənc hücumçu sonadək meydanda olsa da, nə qol, nə də məhsuldar ötürmə müəllifi olub. O, ötən tur "Zlata Moravtse"ni 4:1 hesabı ilə yendikləri qarşılaşmada debüt etmiş, ikinci hissədə meydana daxil olmuşdu.
Qeyd edək ki, hazırda "Jilina" 20 oyundan 48 xalla 1-ci, "Podbrezova" isə 37 xalla 3-cü pillədə qərarlaşıb.
Slovakiya çempionatı, XXII tur
18:20. "Podbrezova" - "Jilina" - 2:2
Qollar: Matuş Turna, 31. Endi Bernadina, 47 - Filip Qloxovski, 30. Lukas Yanoşik, 75

Xəbərin orijinal ünvanı: https://report.az/futbol/ramil-seydayevin-90-deqiqe-meydanda-oldugu-gorusde-jilina-qelebe-qazana-bilmeyib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR