Bakı. 5 mart. REPORT.AZ/ Filippində zəlzələ baş verib.
"Report"un məlumatına görə, bu barədə "Reuters" ölkənin hakimiyyət orqanlarına istinadən xəbər verib.
Məlumatda bildirilir ki, zəlzələ Suriqao şəhərindən 13 kilometr cənub-qərbdə qeydə alınıb. Zəlzələ nəticəsində azı 1 nəfər ölüb, daha 25 nəfər isə xəsarət alıb.
Yeraltı təkanların gücü 5,9 bal olub. Zəlzələ ocağı 13 kilometr dərinlikdə yerləşib.
Qeyd edək ki, son vaxtlar Filippində zəlzələlər tez-tez qeydə alınır.