Bakı. 6 mart. REPORT.AZ/ Çeçenistanın paytaxtı Qroznıda 4,3 bal gücündə zəlzələ baş verib.
"Report"un "TASS"a istinadən verdiyi xəbərə görə, bu barədə respublikanın Fövqəladə Hallar Nazirliyi məlumat yayıb.
"Moskva vaxtı ilə saat 4:26-da Qroznı şəhəri ərazisində zəlzələ baş verib. Seysmoloji stansiyanın məlumatına görə, zəlzələ 4,3 bal gücündə olub. Zəlzələ ocağı 15 kilometr dərinlikdə yerləşib. Tələfat və dağıntı barəsində məlumat daxil olmayıb". – deyə Çeçenistanın Fövqəladə Hallar Nazirliyindən bildirilib.
