Bakı. 6 mart. REPORT.AZ/ Şəmkir rayonunda ölümlə nəticələnən yol-nəqliyyat hadisəsi baş verib.
"Report" xəbər verir ki, hadisə rayonun seyfəli kəndi ərazisində qeydə alınıb.
Belə ki, rayon sakini Fəxrəddin Abbasov idarə etdiyi "VAZ-21011" markalı avtomobillə hərəkətdə olarkən idarəetməni itirib və avtomobili kanala aşırıb. Hadisə nəticəsində sürücü F.Abbasov ölüb.
Faktla bağlı Şəmkir Rayon Polis Şöbəsi tərəfindən araşdırma aparılır.