İngiltərə çempionatının 27-ci turu çərçivəsində “Liverpul” öz meydanında “Arsenal”la qarşılaşıb.
Metbuat.az xəbər verir ki, son turlarda qeyri-sabit oynayan bu komandaların görüşü maraqla gözlənilirdi. Oyuna ev sahibləri sürətli başlayıb. İlk qol 9-cu dəqiqədə Roberto Firmino tərəfindən gəlib. Növbəti qollar 40-cı dəqiqədə Sadio Manenin və “90+1” dəqiqədə Corcinio Vijnaldumun adına yazılıb.
”Arsenal” isə Danny Velbekin 57-ci dəqiqədə vurduğu yeganə qola sevinib. Beləliklə, oyun ev sahiblərinin 3:1 hesablı qalibiyyəti ilə başa çatıb.
Turun digər əsas görüşlərində "Manşester Siti" qələbə qazanıb, "Mançester Yunaytet" isə doğma meydanda heç-heçə ilə razılaşıb.
Sərdar / Metbuat.az
