Türkiyənin baş naziri Binəli Yıldırım mitinqdə çıxış etmək üçün vertolyotla Muş vilayətinə səfər edib.
Milli.Az "Milliyet"ə istinadla bildirir ki, vertolyot hava dumanlı olduğuna görə Muş hava limanına enə bilməyib. Vertolyot boş sahəyə endirilib.
Vertolyotun endiyi yerin yaxınlığındakı kəndin sakinləri baş naziri qarşılarında gördükdə təəccübləniblər. Onlar Binəli Yıldırımı çay süfrəsinə dəvət ediblər. O isə mitinqə tələsdiyini bildirib.
Baş nazir daha sonra Bələdiyyə meydanına gələrək burada "AK parti"nin mitinqində xalqa xitab edib.
Milli.Az
Digər maraqlı xəbərlər Milli.Az-ın Facebook səhifəsində 
