Almaniya millisinin baş məşqçisi Yoahim Löv daha bir futbolçunu yığmaya qaytarmağı planlaşdırır.
Milli.Az apasport.az-a istinadən xəbər verir ki, söhbət "Verder"in hücumçusu Maks Kruzdan gedir.
DÇ-2018-in seçmə mərhələsi çərçivəsində martın 26-da Azərbaycan millisinin qonağı olacaq Bundestimdə Kruzun da heyətdə yer alması gözlənilir. Son vaxtlar formada olan 28 yaşlı forvard Bundesliqanın XXIII turunda "Darmştadt"la qarşılaşmada dubl edərək komandasına qələbə qazandırıb (2:0). Kruzun oyunundan məmnun qalan Yoahim Löv onun hücum xəttini gücləndirəcəyini düşünür.
Qeyd edək ki, Maks Kruz sonuncu dəfə 2015-ci ilin oktyabr ayında Gürcüstanla AÇ-2016-nın seçmə mərhələ matçında Almaniya yığmasının formasını geyinib.
Milli.Az
Digər maraqlı xəbərlər Milli.Az-ın Facebook səhifəsində
