Xalq artisti İlhamə Quliyevanın övladlığa götürdüyü oğlu Orxan Nadirov "5/5" verilişinin qonağı olub.
Milli.Az axşam.az-a istinadən bildirir ki, veriliş zamanı aparıcı Zaur Kamal bir çox tanınmışın proqrama qatılmaqdan imtina etdiyini deyib:
"İl mərasiminə belə bəziləri getmədi. Verilişə dəvət etdiyim bəzi insanlar gəlmədi, çəkindilər. Niyə çəkinirlər bilmədim".
O.Nadirov körpə yaşlarından İ.Quliyevanın yanında yaşadığını söyləyib:
"Mən İlhamə Quliyevanın xalası nəvəsiyəm. Ondan həmişə ana qayğısı hiss etmişəm. Ağlım kəsəndən İlhamə xanımı ana bilmişəm".
Əməkdar artist Firuzə İbadova Orxanın doğma anasından söz açıb:
"Orxanın doğma anası Laləni Tükəzban xanım (İ.Quliyevanın anası - red.) öz qızı kimi böyüdüb. Lalə onların evində yaşayırdı. Orxan Lalənin ilk övladıdır. O, dünyaya gələndə biz xəstəxanaya onun yanına getmişdik".
Milli.Az
