Bakı. 7 mart. REPORT.AZ/ Rusiyanın Energetika Nazirliyinin proqnozlarına görə, karbohidrogen erası yaxın onilliklərdə davam edəcək.
"Report" xəbər verir ki, bunu Rusiyanın energetika naziri Aleksandr Novak "CeraWeek" konfransı zamanı bildirib.
"Elmi-texniki tərəqqi və bərpa olunan enerjiyə baxmayaraq karbohidrogen erası yaxın onilliklər ərzində davam edəcək", - deyə Rusiyanın Energetika Nazirliyinin mətbuat xidməti onun sözlərini sitat gətirib.
Nazir əlavə edib ki, qaz yaxın vaxtlarda əsas yanacaq növü olaraq qalacaq və dünyanın enerji balansında daha çox yer tutacaq.