Bakı. 7 mart. REPORT.AZ/ Fransa hökuməti prezident seçkisində elektron səsvermədən imtina olunması barədə qərar qəbul edib.
“Report” “RİA Novosti”yə istinadən xəbər verir ki, bu haqda Fransa Xarici İşlər Nazirliyi məlumat yayıb.
İnformasiyaya əsasən, buna səbəb kimi kiberhücum təhlükəsinin yüksək olması göstərilib.
Məlumata görə, elektron səsvermədən ilk dəfə 2012-ci ildə parlament seçkilərində Fransadan kənarda yaşayan seçicilər istifadə edib. Ölkə daxilində isə belə səsvermə vasitəsindən istifadə olunmayıb.
Qeyd edək ki, aprelin 23-də Fransada prezident seçkisinin birinci turu, mayın 7-də isə ikinci mərhələsi keçiriləcək.