AFFA İntizam Komitəsinin növbəti iclası keçrilib. Fanat.Az xəbər verir ki, komitə üzvləri əvəzedicilərin çempionatının XXI, I divizionun XVIII turunda qeydə alınan qayda pozuntularına hüquqi qiymət verib.
Əvəzedicilərin çempionatının “Neftçi” - “Zirə” matçının 42-ci dəqiqəsində qonaqların futbolçusu Tapdıq Əhmədov ikinci sarı vərəqə alaraq meydandan kənarlaşdırıldığı üçün 1 oyun cəzalandırılıb, klub 100 manat cərimə edilib.
I divizionun “Turan Tovuz” - “Şəmkir” matçının əvvəlində qonaqların azarkeşləri tərəfindən pirotexniki vasitələrdən istifadə edilib. Bu səbəbdən klub 80 manat cərimələnib.
“Şərurspor” - “Qaradağ Lökbatan” matçının 71-ci dəqiqəsində isə qonaqlardan Elmar Mirzəyev ikinci sarı vərəqəni alaraq meydandan kənarlaşdırılıb. Ona 1 oyunluq cəza verilib, klub 20 manat cərimə edilib.
Fanat.Az
