Milli Məclisin iclası təxirə salınıb

Milli Məclisin iclası təxirə salınıb
16:09 7 Mart 2017
134 Digər
Ölkə mətbuatı
A- A+

 

Milli Məclisin iclası fasilədən sonra keçirilməyib.

 

APA-nın məlumatına görə, jurnalistlərə iclasın təxirə salındığı bildirilib.

 

Səbəb açıqlanmasa da, iclasın martın 10-da keçirilməsinin nəzərdə tutulduğu deyilib.

 

Qeyd edək ki, bugünkü iclasın gündəliyinə daxil olan 13 məsələdən 8-i - "Məktəbəqədər təhsil haqqında" qanun layihəsi (ikinci oxunuşun davamı), "Azərbaycan Respublikasının dövlət sərhədi haqqında" qanunda dəyişikliklər edilməsi barədə qanun layihəsi, "Sərhəd qoşunları haqqında" qanununda dəyişikliklər edilməsi barədə qanun layihəsi, "İnformasiya, informasiyalaşdırma və informasiyanın mühafizəsi haqqında" qanunda dəyişikliklər edilməsi barədə qanun layihəsi, "Telekommunikasiya haqqında" qanunda dəyişikliklər edilməsi barədə qanun layihəsi, "Lisenziyalar və icazələr haqqında" qanunda dəyişikliklər edilməsi barədə qanun layihəsi, "Reklam haqqında" qanunda dəyişikliklər edilməsi barədə qanunun layihəsi və "Əmək pensiyaları haqqında" qanunda dəyişikliklər edilməsi barədə qanun layihəsi müzakirə olunmayıb.


Xəbərin orijinal ünvanı: http://news.lent.az/news/269315

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR