“Mançester Yunayted”in futbolçusu Markos Roxonun əmisi oğlu öldürülüb.
Publika.az xəbər verir ki, 17 yaşlı Roxo Argentinada qətlə yetirilib. Onunla birlikdə 26 yaşlı İvan Rodriqo Barbosa da öldürülüb.
Onların istefada olan polis zabiti tərəfindən qətlə yetirildiyi bildirilir. Öldürülən şəxslərin taksi sürücüsünü qarət etmək istədikləri deyilir.
Sabiq polis əməkdaşı olaya müdaxilə edib və özünümüdafiə məqsədiylə atəş açıb. Barbosa hadisə yerində ölüb, Roxo isə xəstəxanada dünyasını dəyişib.
