TƏHLÜKƏ: Bakıda avtobusların əksəriyyəti texniki baxışdan keçməyib

TƏHLÜKƏ: Bakıda avtobusların əksəriyyəti texniki baxışdan keçməyib
21:53 7 Mart 2017
75 Ölkə
Ölkə mətbuatı
A- A+

Bakıda sərnişindaşımada istifadə edilən avtobusların böyük əksəriyyəti texniki baxışdan keçməyib. Halbuki, həmin avtobuslar hər gün yüzlərlə sərnişini daşıyırlar. Bu da təhlükənin nə qədər ciddi olmasindan xəbər verir. Biri 2012-ci ilə, digərlərinin isə rəngi o qədər solub ki, heç neçənci ilə aid olduğu belə bilnmir.
Publika.az
xezerxeber.az-a istinadən bildirir ki, söhbət ictimai nəqliyyatda istifadə edilən avtobusların texniki baxış nişanlarından gedir.
İctimai nəqliyyatda istifadə edilən avtobuslar texniki baxışdan keçmir. Bunu ortada olan rəqəmlər deməyə əsas verir. Baş Dövlət Yol Polisi İdarəsinin Müayinə Mərkəzinin müfəttişi Elgiz Teymurovun ''Xəzər Xəbər''ə verdiyi məlumata görə, 2014, 2015 və 2016-ci ildə texniki baxışdan keçən avtobuslar çox azdır. 2017-ci ilin ilk aylarında isə demək olar ki, bununla bağlı müraciət edən sahibkar yoxdur.
Halbuki, buraxılış ilindən asılı olomayaraq sərnişindaşımada istifadə edilən avtobuslar hər il texniki baxışdan keçməilidr.
Çəkliş apardığımız zaman da şahidi olduq ki, bir çox sərnişindaşıma ilə məşğul olan avtobuslar texniki baxışdan keçməyib. Çəkiliş qrupumuza mane olmağa cəhd edən sürüclər də olub.
Özünü avtobusun sahibi kimi qələmə verən şəxs isə heç təxniki baxışın nə olduğunu belə bilmir.
Avtobus sahibləri isə məsələ ilə bağlı danışmaqdan boyun qaçırdılar. Onlar tez bir vaxtda avtobuslarını texniki baxışa təqdim edəcəklşərini bildirdilər. Məsələ ilə bağlı Bakı şəhər Dövlət Yol Polis İdarəsinin bölmə rəisi Vaqif Əsədov bildirib ki, yol polisi tərəfindən mütəmadi olaraq avtobuslara qarşı reydlər keçirilir. Texniki baxışdan keçməyən avtobuslar aşkar edildikdə, dərhal yol hərəkətindən kənarlaşdırılaraq mühafizə olunan duracağa qoyulur. Fiziki şəxslər 50, vəzifəli şəxslər 100, hüquqi şəxslər isə 300 manat məbləğində cərimə edilirlər.


Xəbərin orijinal ünvanı: http://publika.az/news/neqliyyat/190541.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR