Rusiyanın energetika naziri Aleksandr Novak bildirib ki, Rusiya “neftin əmtəə ilə mübadiləsi” sazişi çərçivəsində İrandan ildə 5 mln. tonadək neft idxal edə bilər. APA-nın “RİA Novosti”yə istinadən verdiyi xəbərə görə, nazir məsələ ilə əlaqədar müzakirələrin davam etdirildiyini qeyd edib.
“Sutkada 100 min barrel, bu bir ildə təxminən 5 mln. ton edir”, - deyə nazir CERAWeek konfransında bildirib.
Nazir sazişlə əlaqədar razılaşdırılmanın tezliklə başa çatacağına ümid etdiyi bildirib.
