Rusiya, ABŞ və Türkiyə Suriyadakı vəziyyəti müzakirə edib

Rusiya, ABŞ və Türkiyə Suriyadakı vəziyyəti müzakirə edib
00:02 8 Mart 2017
105 Dünya
Ölkə mətbuatı
A- A+

Bakı. 7 mart. REPORT.AZ/ Antalya şəhərində Rusiya, ABŞ və Türkiyə silahlı qüvvələrinin nümayəndələri arasında Suriyadakı vəziyyətə həsr olunmuş üçtərəfli görüş başa çatıb.
"Report" xəbər verir ki, bu barədə Rusiyanın Müdafiə Nazirliyinin mətbuat xidməti məlumat yayıb.
Danışıqlarda Rusiya Silahlı Qüvvələrinin Baş Qərargah rəisi ordu generalı Valeri Gerasimov, Türkiyə Silahlı Qüvvələrinin Baş Qərargah rəisi Hülusi Akar və ABŞ Silahlı Qüvvələrinin Birləşmiş Qərargah Rəisləri Komitəsinin sədri general Cozef Danford iştirak ediblər.
"Görüş zamanı Suriya və İraqda regional təhlükəsizlik məsələləri üzrə fikir mübadiləsi aparılıb. Xüsusilə, gələcəkdə bütün terror təşkilatlarına qarşı mübarizənin səmərəliliyinin artırılması kontekstində Suriyada terror təşkilatları ilə mübarizə üzrə cari vəziyyət müzakirə olunub. Həmçinin bütün tərəflər əməliyyatlar zamanı insidentlərin qarşısının alınması üçün əlavə tədbirlərin görülməsinin vacib olduğunu qeyd ediblər", — deyə məlumatda bildirilir.

Xəbərin orijinal ünvanı: https://report.az/region/rusiya-abs-ve-turkiye-suriyadaki-veziyyeti-muzakire-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR