Türkiyənin baş naziri Binəli Yıldırımın mühafizəçiləri zəhərlənib.
Lent.az sozcu.com.tr-yə istinadən xəbər verir ki, ötən gün İzmir şəhərində görüşlər keçirən baş nazirin 17 mühafizəçisi eyni şikayətlə müxtəlif xəstəxanalara yerləşdirilib.
Xəbərdə bildirilir ki, mühafizəçilər axşam yeməyindən sonra xəstəxanalara müraciət edib. Onların kartof püresi və toyuq əti yediyi bildirilir. Yeməklərdən nümunələr alınıb və laboratoriyalara göndərilib.
Mühafizəçilər ilkin müayinə və müalicədən sonra xəstəxanadan buraxılıb. Onların vəziyyəti normal qiymətləndirilir. 
