"Dağlıq Qarabağ münaqişəsi zonasında status-kvo sabit olmadığından bu, müharibənin yenilənməsi riskini artırır".
"Report"un məlumatına görə, bunu ATƏT-in Minsk qrupunun ABŞ-dan olan keçmiş həmsədri Ceyms Uorlik "Amerikanın Səsi"nə deyib.
O, bildirib ki, sülhün əldə edilməsi regionda hər şeyi dəyişəcək. Keçmiş həmsədrin sözlərinə görə, hər iki ölkənin prezidenti irəliləyə doğru hərəkət etməyə hazır olduğunu nümayiş etdirməlidir.
"Lakin dövlət başçılarının biri deyil, hər ikisi sülhün vaxtı məsələsini həll etməlidir. Sülh isə yeni risklər gətirir", - deyə o vurğulayıb.
Keçmiş diplomat vurğulayıb ki, Dağlıq Qarabağın statusu müzakirə olunmalıdır. Həmçinin Azərbaycan ərazilərinin qaytarılması barədə də danışmaq lazımdır.
