"Real"ın sabiq hücumçusu Raul Qonzales Çempionlar Liqasının 1/8 final mərhələsinin cavab oyunları çərçivəsində bu gün keçiriləcək "Barselona" - PSJ matçı haqqında fikirlərini bölüşüb.
Metbuat.az-ın məlumatına görə, Raul "Barselona"nın mərhələ adlayacağına inanmır:
"Barselona" möhtəşəm oyun sərgiləməlidir. Eyni zamanda matç PSJ üçün çox pis keçməlidir. Fikrimcə, "Barselona"nın şansları azdır.
Belə bir situasiyadan çıxmağı bacaracaq komanda varsa, o da "Real"dır. Madrid klubu bu mənada ixtisaslaşıb.
PSJ öz futbolunu oynasa, "Barsa" 4-5 qol vura bilməyəcək. Amma təbii ki, katalan klubunun müəyyən potensialı var.
PSJ Çempionlar Liqasında sona qədər irəliləyə bilər. Unai Emeri super məşqçidir. Ona inanıram".
"Barselona" - PSJ matçı bu gün Bakı vaxtı ilə saat 23:45-də start götürəcək. Xatırladaq ki, komandalar arasında keçirilən ilk oyunda Fransa təmsilçisinin 4:0 hesablı qələbəsi qeydə alınmışdı.