ABŞ Nümayəndələr Palatası Müdafiə Nazirliyinin (Pentaqon) büdcə layihəsini bəyənib.
Publika.az “RİA-Novosti” agentliyinə istinadən xəbər verir ki, büdcə layihəsi Pentaqona Rusiyanın silah istehsalçısı olan “Rosoboroneksport” dövlət şirkəti ilə əməkdaşlığı qadağan edir.
Qanun layihəsində göstərilir ki, məhdudiyyət Rusiya şirkətinin Suriya hökumətinə silah çatdırmasını dayandırmasına və Rusiya ordusunun Krımı tərk etməsinə qədər qüvvədə olmalıdır.
2017-ci ilin sentyabrının sonuna kimi qüvvədə olan sənəd hərbi ehtiyaclar üçün 578 milyard dolların ayrılmanı nəzərdə tutur.
Ömər Dağlı