Ombudsman Aparatı Elmira Süleymanovanın səlahiyyət müddətinin başa çatması məsələsinə aydınlıq gətirib

Ombudsman Aparatı Elmira Süleymanovanın səlahiyyət müddətinin başa çatması məsələsinə aydınlıq gətirib
12:27 9 Mart 2017
121 Ölkə
Ölkə mətbuatı
A- A+

Bakı. 9 mart. REPORT.AZ/ "Elmira Süleymanovanın Azərbaycanın İnsan Hüquqları üzrə Müvəkkili kimi fəaliyyətini davam etdirməsi qanunvericiliyə uyğundur".
Bunu "Report"a açıqlamasında Ombudsman Aparatının rəhbəri Aydın Səfixanlı deyib.
O qeyd edib ki, "Azərbaycan Respublikasının İnsan hüquqları üzrə müvəkkili (Ombudsman) haqqında" qanununa əsasən, müvəkkilin səlahiyyət müddəti bitdiyi gün yeni müvəkkil seçilmədikdə, o, səlahiyyətlərinin icrasını davam etdirir. Bu halda onun səlahiyyət müddəti yeni müvəkkilin seçildiyi gündən bitmiş hesab olunur.
Qeyd edək ki, Elmira Süleymanova 2010-cu il martın 5-də ikinci dəfə Azərbaycanın İnsan hüquqları üzrə müvəkkili (ombudsman) seçilib. Onun səlahiyyət müddəti bu ilin martın 5-də başa çatıb.
Qanunvericiliyə əsasən, Azərbaycan Prezidenti Milli Məclisə yeni müvəkkilin seçilməsi üçün üç şəxsin namizədliyini təqdim edəcək. Parlament isə 15 gün müddətində müvəkkilin seçilməsi ilə bağlı müvafiq qərar qəbul etməlidir.


Xəbərin orijinal ünvanı: https://report.az/daxili-siyaset/ombudsman-aparati-elmira-suleymanovanin-selahiyyet-muddetinin-basa-catmasi-meselesine-aydinliq-getir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR