"Barselona"nın PSJ-ni 6:1 hesabıyla məğlub edərək 1/4 finala vəsiqə qazanması fonunda Paris klubunun hakimlikdən şikayəti davam edir.
Katalonların müdafiəçisi Xavyer Maskeranoun açıqlaması bu məsələni daha da qızışdıra bilər.
Milli.Az goal.az-a istinadən xəbər verir ki, argentinalı futbolçu matçın 85-ci dəqiqəsində Ter Şteqenlə təkbətək çıxan həmyerlisi Di Mariaya qarşı cərimə meydançası daxilində qaydanı pozduğunu etiraf edib.
"Sözsüz, Di Mariaya qarşı qaydanı pozmuşdum. Amma PSJ-ni mübarizədən buna görə kənarlaşdırmadıq. Möhtəşəm oynadıq. Futbolda yaşadığım ən gözəl gecələrdən biri idi".
Hesabın hələ 3:1 olduğu əmin epizodda oyunun baş hakimi Deniz Aytekin penalti təyin etməmiş, "Barselona" futbolçuları isə Di Marianın yerdə qalmasına rəğmən oyunu davam etdirmişdi.
Milli.Az
Digər maraqlı xəbərlər Milli.Az-ın Facebook səhifəsində