Bakı. 9 mart. REPORT.AZ/ Bakıda martın 14-də "Dağlıq Qarabağ münaqişəsi: mənşəyi, sülhməramlılıq və vətəndaş cəmiyyətinin rolu" adlı beynəlxalq elmi-praktiki konfrans keçiriləcək.
"Report" xəbər verir ki, konfransı "Qafqaz tarixi mərkəzi" İctimai Təşkilatı təşkil edəcək.
Tədbir münaqişənin həlli yollarının tapılması məqsədilə tarixi məsələlərin, beynəlxalq dialoqun genişləndirilməsinin, sülhməramlı təşəbbüslərin, eləcə də Ermənistan-Azərbaycan dialoqunun müzakirəsinə həsr olunacaq.
Tədbirdə Azərbaycan, Gürcüstan, Rusiya, Türkiyə, Qazaxıstan, Kanada, Ukrayna, İsveç, Özbəkistan və başqa ölkələrdən olan 40-dan çox elm adamı, ekspert və siyasətçi, erməni ictimai xadimləri və tədqiqatçıları iştirak edəcək.