Bakı. 9 mart. REPORT.AZ/ “Ermənistan ordusunun yenidənqurmaya və ciddi islahatlara ehtiyacı var”.
“Report” Ermənistan KİV-inə istinadən xəbər verir ki, bunu ölkənin keçmiş baş naziri Qrant Baqratyan bildirib.
"2016-cı ilin aprel döyüşləri göstərdi ki, keçmiş konsepsiya işə yaramır. Biz daimi müharibə təhlükəsi şəraitində yaşamağa məcburuq. Ona görə də bütün müdafiə sistemində dəyişikliyə ehtiyac var” - o vurğulayıb.
Onun sözlərinə görə, Ermənistanın 40-a yaxın şəhər və kəndi hərbiləşdirilmiş yaşayış məntəqəsinə çevirliməlidir.
Qrant Baqratyan 1958-ci ildə Yerevanda anadan olub. 1993-cü il fevralın 18-dən 1996-cı il noyabrın 4-dək Ermənistanln baş naziri olub.
