Bakı. 10 mart. REPORT.AZ/ Terrorçu İŞİD qruplaşması ilə mübarizə aparan 68 dövlətin təmsilçisinin iştirakı ilə Vaşinqtonda toplantı keçiriləcək.
“Report” “Bloomberg”ə isinadən xəbər verir ki, bunu ABŞ-ın Prezident Administrasiyasının iki nümayəndəsi bildirib.
İnformasiyaya əsasən, görüşün martın 22-23-də keçirilməsi nəzərdə tutulub.
ABŞ prezidenti Donald Trampın administrasiyasının təşkil etdiyi toplantıya 68 dövlətin xarici işlər nazirləri ilə yanaşı beynəlxalq təşkilatların nümayəndələri də qatılacaq. Xəbərdə bildirilib ki, iclasa ABŞ-ın dövlət katibi Reks Tillerson başçılıq edəcək.
