ABŞ-ın və dünyanın ən böyük kinostudiyalarından biri olan "Paramount Pictures" Britaniyada tematik əyləncə parkı inşa etməyə başlayıb.
Məşhur "Disneyland"in rəqibi olacaq "Paramount" parkının tikintisi 3,5 milyard funt-sterlinqə başa gələcək.
Milli.Az Daily Mail-ə istinadən bildirir ki, Kent qraflığındakı Dartford şəhərinin yaxınlığında, Suonskombda inşa ediləcək, 50 böyük attraksiondan və 2500 yerlik kinoteatrdan ibarət park 2022-ci ildə istifadəyə veriləcək.
872 şektarlıq əraziyə malik parkda 33 min iş yeri olacaq.
Gündə 40 min nəfəri qəbul edə biləcək parkda Hollivudun mən məşhur blokbasterləri, o cümlədən "Titanic", "Transformers", "Iron Man" və "Forrest Gump" filmlərinin stilində pavilyonlarla attraksionlar da quraşdırılacaq.
Parkı "Kuwaiti European Holdings" korporasiyası inşa edir.
Milli.Az
Digər maraqlı xəbərlər Milli.Az-ın Facebook səhifəsində