Bakı. 10 mart. REPORT.AZ/ Bakıda evdən 10 min manat dəyərində qızıl-zinət əşyalarını oğurlamaqda şübhəli bilinən şəxslər saxlanılıb.
"Report" Daxili İşlər Nazirliyinin (DİN) rəsmi saytına istinadən xəbər verir ki, Xətai Rayon Polis İdarəsinin 37-ci Polis Bölməsinin əməkdaşlarının həyata keçirdikləri əməliyyat-axtarış tədbirləri ilə yanvarın 23-də rayon ərazisindəki evlərdən birindən 10.000 manat dəyərində qızıl əşyaları oğurlamaqda şübhəli bilinən Bakı şəhər sakini, əvvəllər məhkum olunmuş Samir Süleymanlı və Cəlilabad rayon sakini Cabir Nağıyev tutulublar.