Deputatdan MARAQLI TƏKLİF - Sosial şəbəkələrdə sənədlə şərh yazsınıar

Deputatdan MARAQLI TƏKLİF - Sosial şəbəkələrdə sənədlə şərh yazsınıar
13:29 10 Mart 2017
89 Digər
Ölkə mətbuatı
A- A+

“İnformasiya təhlükəsizliyi vacib məsələdir və bununla bağlı qanun layihəsini bir qədər də sərtləşdirməliyik”. 
 
APA-nın məlumatına görə, bunu Yeni Azərbaycan Partiyasının icra katibinin müavini, deputat Siyavuş Novruzov bu gün Milli Məclisdə “İnformasiya, informasiyalaşdırma və informasiyanın mühafizəsi haqqında” qanuna dəyişikliklərin müzakirəsi zamanı deyib.
 
O qeyd edib ki, dünyada intiharın sayına görə birinci yerdə olan Avropa ölkələri var. Azərbaycanda intiharların satının bundan qat-qat az olmasına baxmayaraq, informasiya şişirdilir: “Sovet vaxtı intihar, avtomobil qəzası yox idi? İnternet saytlarında daha önəmli məsələni kənara qoyub, bu məsələləri populyarlığa görə önə çıxarırlar. Bunu etməklə digərlərini də bunu təhrik edirlər. Televiziyalarımızın hamısı cinayət xronikası verir. Tələm-tələsik informasiyanı cəmiyyətə çatdırmaqla xal qazanmaq düzgün deyil. Bu informasiyalar bəzi insanları mənfi istiqamətlərə yönəldir”. 
 
S. Novruzov qeyd edib ki, sosial şəbəkələrdə şərh yazmaq üçün şəxsiyyət vəsiqəsi ilə qeydiyyatın tələb edilməsi zəruridir: “Ölkəmizdə internet tam azaddır. İstənilən adam istədiyini təhqir edir və başa düşmür ki, bunu hər kəs oxuyur. Saxta profil açıb istədiyi fikir yazır. Burada internet portalının sahibi məsuliyyətə cəlb olunmalıdır. Ya da şəxsiyyət vəsiqəsi ilə qeydiyyatdan keçməlidir. Xaricdə hər hansı bir portal yaradıb, Azərbaycanın ordusu, əsgəri ilə bağlı yazılar yazırlar, oradan xəbərləri götürüb verənlər olur. Sonra o şəxs bu yalan xəbərləri pozur. Görürsən ki, onlar hansısa bir formada ölkədən qaçanlardır. Bu informasiyalar cəmiyyət təsir edir”.

Xəbərin orijinal ünvanı: http://news.lent.az/news/269507

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR