Bakı. 10 mart. REPORT.AZ/ Azərbaycan Dövlət Neft Şirkətinin (SOCAR) “Azərikimya” İstehsalat Birliyində şəkərli diabet və virus hepatitləri mövzusunda tibbi-maarifləndirici tədbir keçirilib.
“Report” SOCAR-a istinadən xəbər verir ki, tədbirdə Sumqayıt şəhərində yerləşən “Unikal” klinikasının həkimləri “Virus hepatitlərinin yaranma yolları”, “Hepatitli xəstələrə və ailələrə psixoloji yanaşma”, həmçinin “Şəkərli diabet xəstəliyinin yaranma səbəbləri və bu qəbildən olan xəstələrə qulluq” mövzusunda kimyaçılar qarşısında təqdimatla çıxış ediblər.