Bir müddətdi "Antalyaspor"un heyətinə qatılmayan və getdiyi vətəni Braziliyadan dönmədiyi deyilən Ramon Motta haqda şok gerçəklik ortaya çıxıb.
Fanat.Az xəbər verir ki, 2015/16 mövsümündə "Beşiktaş"dan transfer olunan futbolçunun ailə problemləri səbəbindən əsəb xəstəliyi keçirdiyi və xəstəxanada müalicə aldığı ortaya çıxıb.
"Kanal V"yə açıqlama verən komandanın baş məşqçisi Rza Çalımbay 19-cu turdan bərti "Antalyaspor"dan uzaq düşən futbolçu ilə bağlı "Mottanın ailəsi ilə bağlı çox böyük problemləri var. Antalyada xəstəxanada müalicə olundu. Sonra problemlərini dinlədik, nə istədiyini soruşduq. "Konyaspor"la oyundan əvvəl ona problemlərini həll etməsi üçün iki günlük Braziliyaya dönməsinə icazə verdik. Ancaq bu müddətin az olduğu dedi və 5 gün icazə verdik. Yenə dönmədi. Telefonla danışdım, həkimlərin təyarəyə minməsinə icazə vermədiyini söylədi. Nə zaman geri dönəcəyini biz də bimirik" ifadələrini işlədib.
28 yaşlı futbolçunun nə zaman Antalyaya dönəcəyi və futbol oynayacaq durumda olacağı məlum deyil.
Fanat.Az
