Çempionlar Liqasının 1/8 final mərhələsində keçirilən "Barselona" - PSJ oyunu zamanı Kataloniya paytaxtında yeraltı təkan qeydə alınıb.
Publika.az Goal.az-a istinadən xəbər verir ki, bu barədə "Kamp Nou" yaxınlığında yerləşən Jaume Almer adına Geologiya insitutundan məlumat verilib.
Seysmoqraf "Barselona"nın 2 və 3-cü qolları zamanı yer qabığında yüngül dəyişmələr qeydə alıb. Katalonların vurduğu 6-cı qol zamanı isə Rixter şkalası ilə 1 bal gücündə zəlzələ baş verib.
Qeyd edək ki, bu gücdə olan yeraltı təkanlar insanlar tərəfindən hiss olunmur.