"Marseille"in yarımmüdafiəçisi Dimitri Payet ötən qış "West Ham United"dən nə üçün getmək qərarı qəbul etdiyini açıqlayıb. Milli.Az goal.az-a istinadən xəbər verir ki, fransalı havbek "L`Equipe" nəşrinə bunları deyib:
"West Ham"in istifadə etdiyi müdafiə yönümlü sxem xoşuma gəlmirdi. Çox darıxırdım. "Marseille"in baş məşqçisi Rudi Qarsiya ilə danışdım, onun futbol fəlsəfəsini yaxşı bilirdim. Transfer barədə qərarı tez verdim. 6 ay gözləsəydim, fürsəti əldən buraxardım. "Hull City" ilə görüşdə biz 1:0 qalib gəldik. Rəqibin 4 zərbəsi qapı dirəyindən qayıtdı. Paltardəyişmə otağında hamı sevinirdi, oyunun ən yaxşısı isə məhz qapı dirəyi idi. Fransaya qayıtmaq qərarıma ailə faktoru da təsir göstərdi".
Milli.Az
