Astarada 35 yaşlı qadın dəm qazından zəhərlənərək ölüb.
APA-nın cənub bürosunun verdiyi məlumata görə, hadisə rayonun Barzubənd kəndində qeydə alınıb.
Kənd sakini, 1982-ci il təvəllüdlü İlahə Həsanağa qızı Əmirova evdə yuyunarkən huşsuz halda aşkar edilib. Dərhal Astara rayon mərkəzi xəstəxanasına aparılsa da, qadın orada keçinib.
Faktla bağlı rayon prokurorluğunda cinayət işi açılıb, araşdırma aparılır.
