Martın 9-da Bakı-Sumqayıt yolundan baş verən qəzada həyatını itirən tələbələrlə bağlı ürək dağlayan məlumatlar yayılmaqda davam edir.
Milli.Az baku.ws-ə istinadən xəbər verir ki, sosial şəbəkədə qəzada dünyasını dəyişən Roza Muradova və nişanlısının nişan mərasimindən olan fotosu yayılıb. Onların birlikdə fotosu sosial şəbəkə istifadəçilərini və tələbə yoldaşlarını üzüb.
Qeyd edək ki, bu gün qəzadan ağır yaralı çıxan Lalə Nəsirova da dünyasını dəyişib.
Xatırladaq ki, qəza nəticəsində Sumqayıt Dövlət Universitetinin Fizika və Elektroenergetika fakültəsinin 3-cü kurs tələbələri Quliyev İbrahim Vuqar oğlu, Nəsibov İbrahim Xəqani oğlu, 1999-cu il təvəllüdlü Canıyev Rəşad Füzüli oğlu, 1997-ci il təvəllüdlü Muradova Roza Eynulla qızı və 1996-cı il təvəllüdlü Quliyeva Çinarə Azər qızı dünyasını dəyişib. Hadisəyə səbəb olan sürücü saxlanılıb.
Milli.Az
Digər maraqlı xəbərlər Milli.Az-ın Facebook səhifəsində 
