İranın Əhvaz şəhərində keçirilən ağır atletika üzrə 2-ci Beynəlxalq Fəcr Kuboku start götürüb. Böyük nüfuza malik bu yarışda Azərbaycan ağır atletika yığmasının üzvləri də iştirak edirlər. Artıq komandamızın aktivində iki bürünc medal var.
Milli.Az goal.az-a istinadən xəbər verir ki, Ruslan Rzazadədən sonra onlardan daha birini - Allahyar Abışov 62 kq çəki dərəcəsində qazanıb.
Atletimiz birdən qaldırma hərəkətində 120 kq-ı ram edib. Bu hərəkətdə o, bütün rəqiblərini üstələməyi bacarıb. Abışov təkanla qaldırma hərəkətində 142 kq-ı başı üzərinə qaldıraraq nisbətən zəif çıxış edib və bu hərəkətdə 3-cü olub.
Toplam 262 kq (120+142) nəticə göstərən Allahyar 2-ci Beynəlxalq Fəcr Kubokunda yekun sıralamada bürünc medala layiq görülüb.
Milli.Az
Digər maraqlı xəbərlər Milli.Az-ın Facebook səhifəsində
