Almaniyanın Osnabrük şəhərinin zooparkında qəfəsdən qaçan ayını güllələyiblər.
Trend-in məlumatına görə, ayı elektrik gərginliyi altında olan hasarı aşaraq, azadlığa çıxıb.
Fövqəladə vəziyyət yerli vaxtla saat 14:15-də baş verib. Həmin vaxt zooparkda çox adam olub. Zooparkın əməkdaşları meymunlar üçün qapalı pavilyonda ziyarətçiləri toplayıb və ayını axtarmağa başlayıblar. Qaçdıqdan az sonra onu güllələyiblər.
Qeyd edək ki, ölən heyvan - ağ və qonur ayının hibridi Taps adlı ayı olub.
