Dünyanın ən böyük təyyarəsi Ukrayna istehsalı olan "An-225"dir.
Sözügedən təyyarə 1984-1988-ci illərdə istehsal edilib. Təyyarənin ilk uçuşu 1988-ci il dekabrın 21-də baş tutub. Əsas məqsəd böyük raketlərin, kosmik gəmilərin daşınması olub.
Təyyarənin uzunluğu 84 metr, hündürlüyü 18,1, qanadlarının ucları arasındakı məsafə 88,4 metrdir. Yük kabinəsinin eni 6,4, hündürlüyü 4,4, uzunluğu isə 43 metrdir. Onun heyət üzvü 7, sərnişin tutumu isə 88 nəfərdən ibarətdir. Təyyarə 250 tonadək yük apara bilir.
