Efiopiyanın paytaxtı Əddis-Əbəbə ətrafında nəhəng zibil poliqonunun aşması nəticəsində 15 nəfər həyatını itirib.
Milli.Az ölkə.az-a istinadən xəbər verir ki, hadisənin baş verdiyi ərazidə təxminən 150-ə yaxın insan olub. Xilasedicilər yüngül xəsarət almış 37 nəfəri canlı olaraq hadisə yerindən çıxarıb. Onlarla insan töküntülərin altında qalıb.
Poliqon 50 ildən uzun müddətdir ki, şəhər ətrafında yerləşirdi. Son illərdə zibillərin başqa yerə daşınması şəhərin çirklənməsinə gətirib çıxarıb. Anti-sanitar mühitdən şikayətlənən fermerlər şəhərdə ikinci zibil poliqonun yaradılmasına qarşı çıxıblar. Hadisə poliqonun başqa bir əraziyə daşınması zamanı baş verib.
Milli.Az
Digər maraqlı xəbərlər Milli.Az-ın Facebook səhifəsində
