"Yuventus"un braziliyalı müdafiəçisi Dani Alveş bu mövsüm komandanın hədəflərinə toxunub. Milli.Az goal.az-a istinadən xəbər verir ki, "sambaçı" bunları qeyd edib:
"Komanda yaxşı formadadır. Həm fiziki, həm də psixoloji baxımdan. Artıq mövsümün vacib mərhələsinə qədəm qoyuruq. Böyük futbolçular bütün il çalışır ki, vacib titullar uğrunda mübarizədə hazır vəziyyətdə olsunlar. "Yuventus"a gələndə güclü komanda görməyə ümid edirdim. Çünki ardıcıl 5 dəfə İtaliya çempionu olan, Çempionlar Liqasında final oynayan komanda zəif ola bilməz. Mən bütün titullara iddia edən kluba gəldim. Biz tarix yaza bilərik".
Milli.Az