Suriyalı futbolçu Firas Əl-Xatib ölkə millisinə dönmək qərarına gəlib. Fanat.Az xəbər verir ki, 33 yaşlı hücumçunun adı "DÇ-2018"in seçmə mərhələsi çərçivəsində martın 23-də evdə Özbəkistan, 28-də səfərdə Cənubi Koreya ilə keçriləcək oyunlar üçün heyətə salınıb.
Firas Əl-Xatib vətəndaş müharibəsi səbəbindən müxəliflərin tərəfini tutmuş və 2012-ci ildə millidə oynamaqdan imtina etmişdi. Həmin vaxtdan o, ölkənin əsas komandasının formasını geyinmirdi.
Qeyd edək ki, Firas Əl-Xatib 2001-ci ildən Suriya millisinə çağrılır. 51 oyunda 26 qol vuran hücumçu millinin ən sərrast futbolçusudu.
Firas Əl-Xatib hazırda Küveyt Premyer Liqasının lideri olan "Əl-Küveyt" klubunda forma geyinir. O, əvvəllər Suriyanın "Əl-Karamah", Küveytin "Əl-Nasir", "Əl-Ərəbi", "Əl-Qadsiya", Qətər "Əl-Əhli", "Umm Salal", İraqın "Zaxo" və Çinin "Şanxay Şenhua" klublarında top qovub.
Fanat.Az
