Böyük Britaniyanın İcmalar palatası Lordlar palatasının “Brexit” üzrə qanun layihəsinə dəyişikliklərini rədd edib.
APA-nın verdiyi xəbərə görə, beləliklə qanun layihəsi yenidən Lordlar palatasına göndərilib.
“Pinq-ponq” adını qazanmış sənəd bütün şərtlər razılaşdırılmayanadək bir palatadan digərinə göndəriləcək.
Qeyd edək ki, ötən il keçirilən referendumda britaniyalıların 51,9%-i krallığın Avropa İttifaqının tərkibindən çıxmasına səs verib. Fevralın 1-də Britaniya parlamentinin İcmalar Palatası “Brexit” prosedurunun başlanmasına səs verib.
