Rusiyanın baş naziri Dmitri Medvedev tanınmış müxalifətçi Aleksey Navalnıyı "Instagram"da blok edib.
Milli.Az lent.az-a istinadən xəbər verir ki, səbəb hökumət başçısının "gizli imperiyası" barədə A. Navalnıyın fondu tərəfindən aparılan araşdırmadır.
Belə ki, Aleksey Navalnıyın Korrupsiya ilə Mübarizə Fondu baş nazir Dmitri Medvedevə məxsus olduğu iddia edilən gizli aktivlərlə bağlı araşdırma aparıb və bu haqda film hazırlayıb. Araşdırmada bildirilir ki, D. Medvedevlə əlaqəli strukturlar qeyri-kommersiya fondları vasitəsilə on milyardlarla rubl dəyərində aktivlərə malikdir. Onlar əldə etdikləri vəsaiti ofşor zonalara çıxardığı, xaricdə malikanələr, yaxtalar, şərab müəssisələri satın aldığı qeyd olunur.
Rusiya hökuməti bu iddiaları rədd edib.
Milli.Az
Digər maraqlı xəbərlər Milli.Az-ın Facebook səhifəsində
