“Qəbələ”nin məğlubiyyətsiz oyunlar seriyası qırılıb. Apasport.az saytının məlumatına görə, Roman Qriqorçukun yetirmələri 2017-ci ildə ilk dəfə məğlub olub.
Mövsümdəki ikinci məğlubiyyət XXII tura təsadüf edib. Səfərdə “Neftçi”yə yenilən əyalət klubu 104 gündən sonra xalsız qalıb.
Belə ki, “qırmızı-qaralar” sonuncu dəfə ötən il noyabrın 29-da səfərdə “Qarabağ”a 1:2 hesabı ilə uduzmuşdu.
XIII turdan sonra 8 matçda uduzmayan “Qəbələ” 104 günlük seriyası ilə vidalaşıb.
