Müğənni Nazənin “Lider” telekanalında aparıcılığa başlayır. Bu barədə Lent.az-a ifaçının prodüseri Pərviz Fəqan məlumat verib. O bildirib ki, müğənni həftənin bazar günləri saat 21:00-da, “Dostlar bizi unutmayın” adlı verilişlə tamaşaçıların qonağı olacaq: “Nazənin xanım xeyli vaxt idi ki, bu layihə üzərində çalışırdı. Çox fərqli bir veriliş olacaq. İlk buraxılışı bu bazar saat 21:00-da olacaq. Verilişin qonaqlarını indidən açıqlamaq istəmirik, baxarsınız, görərsiniz”.
