Rusiyada rəsmi səfərdə olan Ermənistan prezidenti Serj
Sarkisyanla Vladimir Putin arasında görüş olub.
Publika.az xəbər verir ki, bu barədə Kremlin rəsmi
saytında məlumat yayılıb.
Məlumata görə, görüşdə ikitərəfli münasibətlər, Avrasiya məkanına
qarşılıqlı inteqrasiyanın inkişaf perspektivləri və digər məsələlər
müzakirə edilib.
Vladimir Putin bildirib ki, Rusiya-Ermənistan arasında
münasibətlərin ittifaq xarakterini daşıdığını deyib: “Biz
beynəlxalq təşkilatlarda bütün istiqamətlər üzrə birgə hərəkət
edirik. Rusiya-Ermənistan münasibətlərinin qurulmasından 25 il
keçir. Bu illər ərzində çox hadisə oldu, lakin iki ölkə arasında
münasibətlər həmişə əsrlərdən gələn dərin köklərə bağlıdır. İndiki
mərhələdə də münasibətlərin inkişafı davam edir”,
Putin həmçinin, Ermənistanda aprelin 2-də keçiriləcək parlament
seçkilərinə və parlament üsul-idarəsinə keçid məsələsinə
toxunub.
“Proses çətin görünür, lakin əminəm ki, sizin rəhbərliyiniz altında
Ermənistan öz inkişafının bu mərhələsini də keçəcək. Biz sizə
uğurlar arzu edirik”, - deyə Putin Sarkisyana söyləyib.
Serj Sarkisyan da iki ölkə arasındakı münasibətlərin inkişafından
danışıb. İsti qarşılanma üçün Putinə təşəkkür edib.
Görüşdə Dağlıq Qarabağ məsələsinin müzakirə edildiyinə dair heç bir
xəbər yoxdur.
Asif