Daha öncə xəbər verdiyimiz kimi, Federal Ehtiyatlar Sistemi (FED) son üç ay ərzində ikinci dəfə uçot dərəcəsini 0,25% artırıb.
Açıq Bazar Əməliyyatları üzrə Komitənin son iclasından belə bir qərarın çıxması maliyyə bazarlarında heç də qeyri-adi qarşılanmayıb. Çünki gedişatın bu yöndə olacağı gözlənilirdi. Ancaq bu da son deyil.
Metbuat.az CNBC-ə istinadən bildirir ki, FED-in cari ilin gedişində daha iki dəfə uçot dərəcəsini qaldıracağı gözlənilir.
Mütəxəssislərin təxminlərinə görə, növbəti artımlar iyun və dekabr aylarına təsadüf edəcək.