Çempionlar Liqasında 1/8 final mərhələsinə yekun vurulub.
Metbuat.az-ın məlumatına görə, günün maraqla gözlənilən matçında "Monako" "Mançester Siti"ni qəbul edib. İlk görüşdə rəqibinə 3:5 hesabı ilə uduzan knyazlıq klubu çətin tapşırığın öhdəsindən gələrək mərhələ adlayıb.
Əvvəlcə 8-ci dəqiqədə Mbappe hesabı açıb. Birinci hissənin ortalarında Fabinyo fərqi artırıb. "Mançester Siti" 71-ci dəqiqədə Sanenin vurduğu qolla ümidlənsə də, "Monako"nun cavabı gecikməyib. Cəmi 6 dəqiqə sonra fərqlənən Bakayoko "Monako"nu 1/4 finala daşıyıb.
Çempionlar Liqası
1/8 final, cavab oyunu
"Monako" - "Mançester Siti" - 3:1
Qollar: Mbappe, 8, Fabinyo, 29, Bakayoko, 77 - Sane, 71
İlk görüş: 3:5